دموع عيني في كفوف نديه ...


دموع عيني في كفوف نديه ...


الظاهر إنك ياأريش العين مليت

عشرة خفوق مانوى لك بسيه

ضيعت عهد الحب يوم إنك نسيت

أشواق قلب يحتري لك بجيه

ياصاحبي لولاك ماكان جريت

ونات قلبي والدموع الشقيه

أجمل سنين العمر في حبك أمضيت

مابين هم وبين نار لضيه

البارحه ياصاحبي يوم صديت

ودعت حلم مات ساعة مجيه

حلم يعانق زهرة العمر لا جيت

أذكر خوي غاب وأنكر خويه

حلم ينادي القلب فيني ولديت

يمه وأنا قلبي بدار خليه

سهرت ليلي في رجى الشوق وأضحيت

من عقب فرقى الحلم حالي رديه

وآمنت بان الحب كذبه وهليت

دموع عيني في كفوف نديه

للصاحب الي في الخلايق تمنيت

هو غايتي في الكون وأكبر خطيه

دموع عيني في كفوف نديه ...