عبت من السهر والليل


تعبت من السهر والليل
أمانه يانجوم اللّيل لو عندك خبر جيبي=بصدق وخبّريني كم بقى لّلصبح من ساعه

عجزت أكتب بظلماء اللّيل كيف أقرأ مكاتيبي=نفذ صبري برجوى صبحك اللّي طال مطلاعه

سهرت أحسبك في كبد السماءوأحسب هناديبي=هموم في فياض الصدر نزّاله ونجّاعه

جرى دمعي على خدّي عوى سرحان لنحيبي=عصىنومي على عيني وكل الناس هجّاعه

أعينيني على مسراي قبل النّاس تدريبي=وأصير لحكيهم يا ساريات اللّيل شمّاعه

تعبت من السهر والّيل لكن عجّلي غيبي=أبى أهرب من همومٍ جت لهم القلب فزّاعه

على وجه الضّحى عن وجه ليل الهم صدّيبي=قبل لاقول للهوجاس سمّالسمع والطّاعه

أغيثيني بنور الصبح قبل اللّيل يسريبي=وأهيجن لين يسمعني عذولٍ مرخي أسماعه