قلت آتولم للفراق وبكيتي


قلت آتولم للفراق وبكيتي
قلت آتولم للفراق وبكيتي = في ذمتي اضحك معك ماتولمت

حبيت اثيرك مير شللي هقيتي = ياليتني قبل ازعلك ماتكلمت

كان اشتعلتي للفراق وطفيتي = قبلك انا ياما اشتعلت وتألمت

اشجاك من دمع الغرام استحيتي = ياوقت وقف بي هنا لو تكرمت

هلي السوالف وشعلامك سهيتي = مابي اضيع ليلة القاك بالصمت

ودي افضفض ضاقت اركان بيتي = مخنوق انا توني بوجودك تنسمت

اشب وضوي واحترق لا سريتي = وضيع لا سلم خيالك وسلمت

ويضيق بي كل الفضا لا مشيتي = واضيق لكن لا ذكرتك تبسمت

توك ضحكتي هم رجعتي وبكيتي = والله كنت اضحك معك ماتولمت



للشاعر
سعــد الشعلانيـ