قهر المرأة للمرأة !!

سمعت مرة إن لسان مرأة واحدة أقوى من جبروت رجال

فما بالكمـ لو وجهت القوة دى لمرأة مثلها !!




للأسف قهر المرأة للمرأة انتشر جدا

وبقا أقوى وأخطر

وهو فى الحقيقة أكثر إيلاما من قهر الرجل للمرأة

وبنشوف عليهـ أمثله كتييير جدا



لو بنت مش مخطوبة :-

تلاقى دايما كلمات الجارات وبنات العائلة ( المرتبطين طبعا ) بتلاحقها فى كل مكان

( معقول بنت جميلهـ زيك متخطبتش - هما الرجالهـ اتعموا ولا إيهـ - بنت فلانة الفلانية اتخطبت امبارح وبنت فلانة الفلانية هتتجوز بكرا عقبالكـ يا حبيبتى )



أما بقا لو اتخطبت :-

تلاقى الغيرة والحقد بدأ يظهر ( من المرتبطين واللى مش مرتبطين كمانـ )

يبدأوا بقا يظهرو أى عيب فى الخطيب أى حاجة ويبدأوا يكرهوها فيهـ ويظهروا ليها تجارب غيرها الفاشلهـ فى الزواج والخطوبة



لو متزوجهـ :-

يبدأ بقا كلامـ الصالونات الإجتماعى الفاشل دا

تحاول المرأة تقهر صديقتها بإن زوجى أيسر حالا من زوجك
وإنى هسافر لمكان كذا الشهر الجاى
وإنى دخلت أبنى مدرسهـ أفضل منكـ

ولازمـ تحاول تلمحلها إن حياتها أفضل منها ومفيش مانع لو كذبت فى النقطة دى المهم تقهرها بأى طريقة ممكنهـ



لو مطلقهـ :-

يبدأ بقا المسلسل الدرامى المعروف

تهميش _ تحقير غير مباشر - شفقة مريضهـ مصطنعة

وتبدأ بقا تبعد عنها بحجة إنها وباء قاتل أو بالعامية ( هتخطف جوزها منها )

..............إلخ



نماذج كتيير جدا بنشوفها

وعادات إجتماعية مريضة



- فى رأيكمـ العيب فين ... هل فى المجتمع ككل والظروف المعيشية الصعبة ولا فى النفوس ؟

- القهر دا أثره إيه ع المرأة ؟

- هل بتضعف ثقتها بنفسها أمامـ المواقف دى ولا لأ ؟

- هل فى مبررات كافيهـ للتصرفات دى ؟

- الحل يبدأ منين ؟